La presencia invisible

Trátase dunha selección de botellas, caixas e estoxos de perfumes, xabón e de arroz, que forman parte da colección de Afonso Oliveira, unha das máis importantes do mundo no seu ámbito e que está integrada por máis de 4.200 frascos históricos. 

As pezas que se exhibirán, moitas delas convertidas hoxe en iconas das artes decorativas do século XX, son un exemplo da época dourada que viviu a industria da perfumería. Unha mostra da transición de abandonar presentacións xenéricas, máis propias dos produtos farmacéuticos, e incorporar deseños procedentes de correntes artísticas innovadoras. 

Os períodos art nouveau e art déco, nos que se centra esta exposición, foron determinantes para a consolidación destas creacións. Influíron de forma rotunda no éxito dunha industria que pasou a entender que o contedor para o perfume era tan importante como a propia fragrancia.