“Evocando Canto de emigración” de Pepe Coira

Este sábado, 15 de fevereiro, às 19h30, na Casa-Museu Manuel María vai projetar-se o filme “Evocando Canto de emigración”. Umha obra produzida por Ollovivo e cujo roteiro e direção é de Pepe Coira.

O diretor descreve assim o visionado: “O que vamos ver nesta sessom nom é um filme. É a evocaçom dum filme. Um filme desaparecido.

Canto de emigración. Romance en imágenes sobre motivos gallegos (1935) foi um insólito filme de vanguarda no que o ourensano Tony Román retratou o drama da emigraçom galega, procurando emular o cinema dos grandes diretores soviéticos, que aspiraban a um “cinema puro”.

Canto de emigración non se conserva, mas si ficam vestígios: o desenho de Castelao no que se inspirou; um feixe de fotografias publicadas na imprensa da época ou guardadas polo seu protagonista; um argumento detalhado; e, sobre todo, a partitura que Teódulo R. Páramos compujo para acompanhar pormenorizadamente as imgens.

A partir desses materiais construímos esta evocaçom. A Orquesta Clásica de Vigo adaptou a música original para a ocassom. A ela sincronizamos o argumento e mais as fotografias, e incorporamos fragmentos de outros filmes com os que Canto de emigración se emparentava.

O resultado é o que vamos ver. Sabemos que é impossível trazer um filme perdido de volta à vida. Mas podemos imaginá-lo.

Logo da projeçom, as pessoas assistentes manterám um colóquio com Pepe Coira, reconhecido roteirista que trabalha em ficçom televisiva assim como longametragens e séries documentais (Cuñados, Rapa, Hierro, Mareas Vivas, As leis de Celavella, Hotel Vidago, A Seara…). Diretor de desenvolvimento e produtor executivo para diversas companhias (Portocabo, Filmax Galicia, Voz Audiovisual), Pepe Coira foi director do CGAI e é autor de várias monografias e colaborações em publicações sobre história do cinema.

A atividade é de acceso livre. Reservas em contacto@casamuseomanuelmaria.gal ou no whatsapp 698177621.