Conferencia: Por que é urxente falar de saúde mental?, por Víctor Pedreira Crespo

Conferencia:  
“Por que é urxente falar de saúde mental?” 

 
Relator: Víctor Pedreira Crespo (psiquiatra) 
Día: martes, 6 de febreiro de 2024 
Hora: 19:30 
Lugar: sala de conferencias da Vicerreitoría do Campus de Pontevedra (Casa das Campás; rúa de Don Filiberto, 9-11) 

 

 
O Ateneo de Pontevedra organiza a conferencia Por que é urxente falar de saúde mental?, impartida polo psiquiatra Víctor Pedreira Crespo.  
O acto terá lugar o vindeiro martes, 6 de febreiro, ás 19:30 horas, na sala de conferencias da Vicerreitoría do Campus de Pontevedra.  
A entrada é libre ata completar capacidade. 

 

 
Sinopse 
Partindo da análise do concepto xeral de saúde sinálanse os factores implicados nos procesos de saúde mental e de enfermidade. 
A continuación, trátase de ver o nivel de saúde mental no ámbito comunitario a través dos datos extraídos dos estudos epidemiolóxicos de campo e do impacto da recentes crises económica e sanitaria a nivel da saúde pública.  
Posteriormente analízanse as características da demanda de atención aos problemas de saúde mental e a resposta asistencial, condicionada pola insuficiencia de recursos. 
Por último, reflexiónase acerca das posibilidades de mellora da situación, o que implica non só un maior investimento en recursos asistenciais senón tamén un cambio no modelo de atención e no estilo de vida das persoas e a implementación de políticas transversais que teñan en conta o seu impacto na saúde mental. 

 

 
Sobre o relator 
Víctor Pedreira Crespo (A Coruña, 1950). Médico, especialista en Psiquiatría.  
Profesor de “Enfermería en Saúde Mental” na Escola Universitaria de Enfermería de Pontevedra desde o Curso 1980-81 ata o Curso 2015-16 (36 anos). 
Xefe do Servizo de Psiquiatría do CHOP desde xaneiro de 1982 a outubro de 2012. E, posteriormente, por Sentenza Xudicial, desde esa data até a súa xubilación (en xaneiro de 2015). 
Director Médico do Hospital Psiquiátrico Rebullón (Vigo) e dos servizos de saúde Mental da Deputación de Pontevedra desde abril de 1990 a setembro de 1994. 
Subdirector Xeral de Saúde Mental e Drogodependencias da Xunta de Galicia desde setembro de 2005 a maio de 2009. 
Socio fundador e Presidente da Asociación Galega de Saúde Mental desde 1990 a 1996. 
Socio fundador e Presidente de Honra da Asociación “Alba” de familiares e amigos de persoas con enfermidade mental. 
Distinguido coa Cruz Branca da Orde ao Mérito do Plan Nacional sobre Drogas en febreiro de 2008. 
Distinguido co Premio “Cidade de Pontevedra 2017” na súa modalidade Persoa Física “pola súa defensa inquebrantable da sanidade pública” (20 de xaneiro de 2018). 

 

 
COLABORA: Vicerreitoría do Campus de Pontevedra.