Conferencia: "O home: os dualismos mentalista e ambientalista e o adualismo materialista"

Seminario Permanente de Filosofía 
Conferencia: 
“O home: os dualismos mentalista e ambientalista e o adualismo materialista” 

 
Relator: Domingos Antom Garcia Fernandes (doutor en Filosofía) 
Día: martes, 23 de xaneiro de 2024 
Hora: 19:30 
Lugar: sala de conferencias da Vicerreitoría do Campus de Pontevedra (Casa das Campás; rúa de Don Filiberto, 9-11) 

 

 

 
O Ateneo de Pontevedra organiza, dentro do Seminario Permante de Filosofía, a conferencia O home: os dualismos mentalista e ambientalista e o adualismo materialista, impartida polo doutor en Filosofía Domingos Antom Garcia Fernandes. O acto terá lugar o vindeiro martes, 23 de xaneiro, ás 19:30 horas, na sala de conferencias da Vicerreitoría do Campus de Pontevedra. 
A entrada é libre ata completar capacidade. 

 

 
Sinopse 
Domingos Antom Garcia adianta que “procederemos a um muito breve lembrete do psiquismo humano na filosofia antiga e medieval incorporado no pensar de Platom, Aristóteles, Agostinho de Hipona e Tomás de Aquino. 
E agora no nuclear, logo duma fugaz referência ao racionalismo dualista de René Descartes (corpo-alma), será examinado como tenta resolver a questom o dualismo ambientalista (a relaçom entre ambiente físico e comportamento).  
E para concluir será analisado o adualismo materialista de Benito Espinosa para quem as duas substâncias cartesianas nom seriam outra cousa que dous dos infinitos atributos duma única substância (nom importa se chamamos isso de Deus ou Natureza). Deus nom seria transcendente (exterior e superior) ao mundo. Deus seria o mesmo mundo. E também se estudará o condutismo radical de Frederic Skinner.” 

 

 
Sobre o relator 
Domingos Antom Garcia Fernandes naceu en Hermunde-Pol, na Terra Chá, a 21 de xaneiro de 1948. Frecuentou dez anos de estudos eclesiásticos no Seminario Diocesano de Lugo. Mestre de Primeiro Ensino pola Escola Normal de Lugo, licenciado e doutor en Filosofía pola USC. Foi profesor de EGB e catedrático de Filosofía no Ensino Secundario. Membro fundador da Aula Castelao de Filosofía, da cal foi portavoz e coordinador e na actualidade membro honorario. Foi profesor de Antropoloxía Xeral, Historia da Antropoloxía e Antropoloxía Económica na UNED de Pontevedra. Foi profesor convidado na Universidade de Vigo, en 2011, na docencia da materia de Ética e deontoloxía da comunicación audiovisual. Foi profesor convidado na Universidade de Vigo, en 2018, na disciplina de Socioloxía: Sociedade, Cultura e Pensamento. Foi Presidente de Amig@s da Cultura de Pontevedra.  
Foi profesor de Filosofía e de Ética no Graduado Universitario Senior da Universidade de Vigo.  
Imparte un curso de Filosofía, de carácter anual, na Biblioteca Pública de Pontevedra.  
É coautor dos libros Antom Losada. Teoría e Praxis (1984), Reflexons sobre a vida moral (1995), A Ética na que vives (1995). Coordinador de Para umha Galiza Independente. Ensaios, Testemunhos, Cronología e Documentaçom Histórica do Independentismo Galego (2000). Coparticipante en diversas colectáneas. 
Participou como relator ou comunicador en numerosos congresos, seminarios e xornadas con temas como a filosofía marxista, os novos movementos sociais alternativos, o estatuto e as funcións da Filosofía, a problemática nacional en relación coa cuestión ecolóxica, etc.  
Colaborou en distintos xornais e revistas e prologou diversos libros. 
Foi colaborador asiduo da publicación trimestral Abrente e de Abrente Editora, alén de columnista de Primeira Linha en Rede, de Diário Liberdade e de https://kaosenlared.net/ 

 

 

 
COLABORA: Vicerreitoría do Campus de Pontevedra.