RFG · FENDAS DO SILENCIO

REAL FILHARMONÍA DE GALICIA 

Vimbayi Kaziboni, director 

Noè Rodrigo Gisbert e Adélaïde Ferrière, percusión

PROGRAMA

Cometa: Encarga a Francisco Domínguez. Estrea absoluta. 

Rebecca Saunders: VOID. Estrea en España 

Francisco Guerrero: Coma Berenices

Francisco Domínguez abre o concerto coa súa Cometa, introducindo un programa que conecta distintos xeitos de entender a creación contemporánea. Coa súa especial lucidez, a londiniense Rebecca Saunders explora o papel da música nunha sociedade en constante conflito, da que quere resaltar a humanidade que nos envolve. Inspirada en Textos para nada de Beckett, VOID debuxa, a través dunha ampla paleta orquestral, a flutuación entre ruído e son. A morte prematura de Francisco Guerrero, acaecida en 1997 cando tiña 47 anos, deixou en suspenso unha das máis orixinais formas de achegarse á música a partir das matemáticas. Coma Berenices está considerada a obra máis importante do compositor xienense; composta un ano antes da súa morte, a peza inspírase literalmente nas proporcións matemáticas existentes nesta constelación situada ao oeste de Leo.

En colaboración co Festival RESIS

Fuente: https://www.compostelacultura.gal/espectaculos/evento/rfg-%C2%B7-fendas-do-silencio