Que son os Mercadiños do Miño? Os Mercadiños do Miño, son mercados de rúa á beira do Miño para gozar dos produtos do comercio local. Están dirixidas a establecementos, asociacións, colectivos e persoas individuais adheridas ao movemento LocaLmente Lucense e enmárcanse no Plan de Dinamización de barrios do pequeno comercio e hostalería. Nos mercadiños poderás gozar de postos dos comercios locais, espazo público para que particulares e asociacións mostren os seus produtos, música ambiente, photocall, obradoiros infantís, espazo axeitado para gozar do teu pícnic e concursos con premios por valor de 1.000 euros diarios en vales de compras locais! Trae o teu pícnic! Mercadiños do Miño. Domingos de agosto de 11.00 a 15.00 e de 17.00 a 21.00 h no Paseo Fluvial do río Miño. +INFO: http://localmentelucense.gal/mercados/ PROGRAMA 11.00 h – 21.00 h. Música ambiental: para complementar o impacto visual co resto de sentidos nun ambiente envolvente. 11.00 h – 21.00 h. Photocall: durante todo o día poderás gozar dun espazo para tomar fotos de recordo. 11.00 h. Apertura dos mercadiños: breve acto oficial 11.00 h. – 15.00 h. Xogos xigantes interxeracionais (goza do lecer, coa familia ao completo, na contorna do Miño) e Xogo Spiriball (o máis exitoso xogo de pelota cautiva). 11.10 h. Presentación do concurso Á procura de LOL: LOL é un obxecto que está agochado, percorre o mercadiño na súa procura para gañar vales de compra no comercio adherido ao movemento LocalmenteLucense. 11.30 h – 13.30 h Obradoiro infantil con mimbre natural 14.00 h. Concurso PICNIC DE POSTAL: espazo para que veñas co teu pícnic (manta, xantar…). A parcela mellor decorada terá premio (vales de compra para gastar no comercio LocaLmenteLucense)! 17.00 h. Apertura de postos 17.00 h. – 20.30 h. Xogos xigantes interxeracionais (goza do lecer, coa familia ao completo, na contorna do Miño) e Xogo Spiriball (o máis exitoso xogo de pelota cautiva). 19.00 h. – 20.00 h. Espectáculo infantil a cargo de A Trastenda dos Contos. 20.30 h. Entrega de premios dos concursos do día 21.00 h. Fin da xornada
VIRAL utiliza ricas galletitas (cookies), si sigues navegando aceptas su uso. Saber más.Aceptar