Deporte na Rúa 3x3

📢 O 3x3 Deporte na Rúa trasládase ao mes de setembro.

Por responsabilidade e prevención ante o efecto da calor acumulada na cidade, o Concello de Lugo apraza a celebración prevista para esta fin de semana e reprograma o evento para os días:

📅 11, 12 e 13 de setembro

A decisión tómase para protexer a saúde das persoas participantes, especialmente menores e persoas maiores, evitando riscos asociados á práctica deportiva exterior tras varios días de altas temperaturas.

✅ Todas as inscricións xa realizadas seguirán sendo válidas para as novas datas, sen necesidade de facer ningún trámite.

En setembro, o 3x3 Deporte na Rúa converterase nunha gran festa de inicio do curso deportivo e escolar, coincidindo co arranque da nova tempada dos clubs e escolas deportivas de Lugo.

Grazas pola comprensión. A seguridade e o benestar das persoas participantes son a prioridade.