Inspección de Primavera do Proxecto Ríos 2026.

Actividad íntegramente PRESENCIAL Ó AIRE LIBRE.Emitirase certificado de participación na actividade de voluntariado.

Despois de anos participando activamente no Proxecto Ríos, a UNED de Lugo continúa o seu compromiso coa conservación e estudo dos ecosistemas fluviais mediante unha nova xornada de inspección ambiental do río Miñor.

Trátase dunha actividade de educación e voluntariado ambiental que terá lugar o luns 15 de xuño na reserva da biosfera Terras do Miño, onde a UNED de Lugo ten adoptado un treito deste río ao seu paso pola sede universitaria. Durante a xornada, realizarase unha inspección do estado do río, recollendo datos sobre a súa calidade ambiental, a biodiversidade presente e posibles impactos ou alteracións detectadas no ecosistema.

Esta iniciativa forma parte do Proxecto Ríos, un programa de referencia en Galicia que promove a participación cidadá na conservación dos ríos. Grazas á colaboración de centos de persoas voluntarias e entidades de todo o territorio galego, cada ano elabórase un informe sobre o estado de saúde dos ríos galegos, no que se incorporan os datos recollidos pola UNED de Lugo neste tramo do río Miñor.

O punto de encontro para a realización da actividade será na entrada da UNED de Lugo. O aparcadoiro do centro estará aberto para aquelas persoas que precisen deixar o seu vehículo. 

Fuente: https://extension.uned.es/actividad/idactividad/53671