Paula Carballeira con "Camiños de mar, terra e vento"

Espectáculo de narración oral de Paula Carballeira que leva por título "Camiños de mar, terra e vento".  
Paula vai contar contos que viaxan, de boca en boca, pola terra, polo mar e, sobre todo, polo aire. 
A actividade vai dirixida para nenas e nenos entre 4 e 8 anos. 
Billete (2 euros). É necesario reservar en contacto@casamuseomanuelmaria.gal ou no whatsapp 698177621. 
Paula Carballeira, contadora, foi convidada aos principais festivais e eventos de narración oral nacionais e internacionais. Tamén é actriz, membro da compañía Berrobambán; directora de teatro, levando adiante producións tanto para a súa compañía coma para outras; dramaturga, con moitísimos premios, entre outros o de Premio estatal de literatura dramática en 2023; e ten máis de trinta libros publicados (álbum ilustrado, narrativa, poesía, teatro, ensaio), moitos deles traducidos a varias linguas, e a maioría pensados tamén para a infancia e a xuventude.