RUTAS SENDERISMO

5 rutas de sendeirismo gratuítas para coñecer Terras do Miño, o bosque dos Grobos de Becerreá, Os Oscos asturianos e o Camiño dos Faros.

Estes roteiros, que transcurrirán por zonas únicas desde o punto de vista ambiental visitarán enclaves singulares da nosa xeografía desde a Costa da Morte ata Os Oscos do occidente asturiano.

Deste xeito, o programa iníciase o 22 de marzo cun rastrexo de fauna salvaxe e supervivencia no medio natural que se levará a cabo dentro da Reserva da Biosfera Terras do Miño. Posteriormente, o 12 de abril, está previsto realizar un itinerario de 13 quilómetros a través do Bosque dos Grobos e o Souto de Agüeira, no termo municipal de Becerreá, onde as persoas participantes poderán gozar dun espazo que atesoura un arboledo único en Galicia.

Xa o 24 de maio, aproveitando o período de floración primaveral, vaise realizar un roteiro temático de prantas comestibles e medicinais da contorna de Lugo. No mes de xuño desenvolveranse dúas rutas: a do Silencio nos Oscos, en Asturias, que terá lugar o día 7, cun percorrido de 13,5 quilómetros e dificultade nmedia, e o día 28 do mesmo mes, o intinerario Camiño dos faros pola Costa da Morte. A etapa parte da praia de Arou para percorrer varios puntos desta singular costa ata rematar no Cabo Vilán, despois de cubrir 18 quilómetros nunha ruta de dificultade media.

En cada un dos itinerarios deste ano poderán participar hasta 26 persoas, de entre 14 e 35 anos de idade, que estarán acompañados dun guía especializado durante todo o percorrido. As actividades se desenvolverán preferentemente os sábados, en horario de 8.30 da mañá a 18.30 da tarde, sempre con saída desde a Casa da Xuventude, ben a pé ou en autobús, dependendo do itinerario a realizar.

+INFO
https://formulario.xuventudelugo.gal/