Feira do Entroido de Nadela 2025

Feira do Entroido de Nadela 2025

Pola mañá, a partir das 8.00 horas procederase á asignación dos postos de exposición e ás 9.30 horas terá lugar a apertura da feira con exposición e venda de produtos tales como rabo, orella, cacheira, grelos, lacón, chourizos, filloas e outros produtos típicos destas datas. Haberá animación cun grupo de música tradicional.
Ás 12.00 horas realizarase a entrega dun agasallo aos vendedores asistentes e dará comezo a recepción de autoridades, acto que dará paso ás 13.00 horas á benvida das autoridades e á lectura do pregón da feira a cargo de Santi Almuiña Casas.
Ao termo, actuará Diego Flâneur & *Ünder con Canción Feira de Nadela e comezará a sesión vermú a cargo de Verónica Cambón.

Pola tarde, a partir das 17.00 horas, comezará o Baile de Traxes de Entroido amenizado pola charanga Santa Compaña e Verónica Cambón. Ás 19.00 horas terá lugar o Concurso de Traxes de Entroido na modalidades, infantil adultos e grupal.