Fran Amil: Popsía

Chega Popsía, o novo proxecto musical de Fran Amil. Pop, soul, rock, funky e outros ritmos en mestizaxe coas raíces da música galega. Isto é Popsía, o disco co que Fran Amil quere achegar os clásicos da lírica galega de todos os tempos á mocidade do século XXI. Válese para iso dun animoso ton de xúbilo que sorprende en moitos dos temas, algúns mesmo tradicionalmente tan pouco ligados ao alborozo como Negra sombra. Mendiño, Rosalía de Castro, Leiras Pulpeiro, Amado Carballo, Avilés de Taramancos, Antón Tovar, Xosé María Díaz Castro, Celso Emilio Ferreiro, Afonso X Ou Sabio e Valle-Inclán soan brillantes e como non o fixeron ata o de agora.