Ciclo EXPERIMENTA III | The Partisan Seed (Portugal) XOVES 21 DE XULLO – 20:30h. Exteriores do Museo Provincial Entrada de balde, respectando o aforo: info@teleclube.com Sobre THE PARTISAN SEED: (Portugal) Filipe Miranda é compositor, músico, produtor e artista visual barcelense. Comezou a súa carreira en solitario no 2005 baixo a denominación The Partisan Seed para enfatizar a mensaxe das letras na súa escrita persoal e libre. Os seus discos descobren un autorretrato profundo do compositor mediante un fluxo de cancións sinceiras e introspectivas. The Partisan Seed caracterízase polo seu estilo delicado de guitarra acústica, a súa conmovedora interpretación vocal e as improvisacións, como trance chamánico, en directo. Está considerado en Portugal como un dos compositores de cancións mais destacados da súa xeración. Poderemos experimentar o seu directo, o xoves 21 de xullo ás 20:30h, inaugurando o Experimenta III, nos exteriores do Museo Provincial, no que escoitaremos algunha das súas primeiras composicións e, a bo seguro, tamén cancións do seu último traballo “Old Songs For a New Sun”, un disco grabado en plena pandemia e publicado o pasado 2021, confeccionado con cancións escritas ao longo dos anos e que ven a luz neste álbum. +INFO: https://www.thepartisanseed.bandcamp.com
VIRAL utiliza ricas galletitas (cookies), si sigues navegando aceptas su uso. Saber más.Aceptar