Presentación de "Latexos" (Edicións Embora) de Beatriz Dourado

Este xoves, 26 de febreiro ás 19:00h, terá lugar na Librería Trama a presentación de Latexos (Edicións Embora), de Beatriz Dourado, ilustrado por Irene Sanjuán. A autora, Beatriz Dourado, estará acompañada de Brenda Mondelo. 

Sobre Latexos: 
Este poemario resultou gañador do Premio Arume de Poesía para a Infancia que organizan conxuntamente a Fundación Xosé Neira Vilas, a empresa Deleite e a asociación do libro infantil e xuvenil Gálix. En opinión do xurado, Latexos constrúe un universo poético engaiolante para o público novo.