EXPOSICIÓN PERMANENTE | «Elas», Aurora Marco

EXPOSICIÓN | «Elas», Aurora Marco

A exposición permanente «Elas» é froito do traballo da investigadora, ensaísta e mestra Aurora Marco. Durante máis de vinte anos, levou a cabo un exhaustivo traballo de investigación acerca de mulleres galegas que sobresaíron ao longo da historia en diferentes campos e disciplinas. Como resultado deste labor xorde a publicación exposta nesta mostra, cuxa edición se limitou a 155 exemplares. Nela recóllense 410 biografías destas mulleres galegas.

Esta exposición está así mesmo composta por serigrafías realizadas por artistas galegas contemporáneas, que tomaron como inspiración as historias aquí recollidas. Elas son Chelo Rodríguez, Ehlaba Carballo, Irene Silva Xiráldez, María Manuela, María Xesús Díaz, Novais, Sabela Arias Castro e Vanessa Lodeiro.