Sesión especial: Tant que le soleil frappe en Ourense

Dentro da campaña que ven a desenvolver a plataforma “Non ao peche da UPO” (Non ao peche da Universidade Popular de Ourense) na anualidade cultural do 2024, o Cineclube Padre Feijoo en colaboración co Instituto Francés, quere aportar á programación cultural da plataforma, a seguinte proxección especial na casa da cultura de Ourense.
Sesión ás 18:00h
De balde! 
Max non soña con facer xardíns verticais para hoteis de cinco estrelas. Tenaz paisaxista, comprometido pero acurralado, loita por crear un xardín salvaxe, sen valos, no centro de Marsella: un espazo vexetal aberto a todos. Tras anos de rexeitamento, o seu proxecto chega á fase final dun concurso de arquitectura. Para Max, é a última oportunidade de ofrecer osíxeno á xente que se asfixia nun inferno urbano, baixo o sol que aperta.