Andaina nocturna e observación de estrelas

Andaina nocturna e observación de estrelas

Este ano acudiremos ata Friol para observar o ceo nocturno na finca Rego Salgueiro, na parroquia de Guldriz. Esta finca acaba de ser cedida por unha socia a ADEGA na que se atopa a mámoa da necrópole Costa de Mera, que segundo a Asociación Patrimonio dos Ancares, é única na Galiza, pois conta cun gravado dun sol no dólmen.

Nun pequeno percorrido nocturno, chegaremos ata a medorra, onde poderemos observar o ceo e as estrelas sempre que as condicións meteorolóxicas o permitan.

Fins Eirexas, secretario técnico de ADEGA, guiaranos un ano máis nesta actividade astronómica.

De balde pero é preciso inscribirse chamando ao 982240299 ou escribindo a adegalugo@adega.gal indicando nome, apelidos, DI e teléfono de contacto.

Fuente: https://vivalugo.es/evento/andaina-nocturna-e-observacion-de-estrelas/