8M 2026 no Concello de Zas: ciclo de actividades nos centros educativos

O Concello de Zas impulsa un ciclo de actividades nos centros de ensino do municipio con motivo do 8M, Día Internacional da Muller, coa idea de traballar a igualdade e a sensibilización desde as idades máis temperás. Participará alumnado do CEIP Labarta Pose, do CPI de Zas e do IES Maximino Romero de Lema.

A programación comeza o 6 de marzo no CEIP Labarta Pose con “Os contos do avó: mulleres galegas” (infantil e 1º de primaria) e “Superheroínas 8M” (2º, 3º e 4º de primaria). O luns 9 de marzo repetiranse estas dúas propostas no CPI de Zas e, ese mesmo día, desenvolverase “Igualdade, onde estás?” para o alumnado da ESO do IES Maximino Romero de Lema e do CPI de Zas.

Como peche do ciclo, o venres 27 de marzo o alumnado da ESO do CPI de Zas participará en “Encaixando pezas”. Un mes para reflexionar, sumar valores e seguir construíndo un Zas máis igualitario, con respecto e liberdade.

Fuente: https://visitacostadamorte.com/gl/axenda/8m-2026-no-concello-de-zas-ciclo-de-actividades-nos-centros-educativos