Presentación do libro “Toponimia de Zas” en Baio

A Real Academia Galega e o Concello de Zas convidan a descubrir “Toponimia de Zas”, a obra de Xosé María Lema Suárez que nos leva a mirar o territorio dende outra perspectiva: a dos nomes que usamos cada día e a historia que gardan, palabra a palabra, lugar a lugar.

A presentación será o 6 de febreiro de 2026 ás 20:00 h no Auditorio de Baio (Travesía de Fisterra, 1). Intervirán Manuel Muíño Espasandín (alcalde de Zas), Antón Santamarina (Seminario de Onomástica da Real Academia Galega), Ana Boullón (Asociación Galega de Onomástica) e o propio Xosé María Lema Suárez, autor de “Toponimia de Zas”.

O acto terá acceso libre ata completar a capacidade da sala.

Fuente: https://visitacostadamorte.com/gl/axenda/presentacion-do-libro-toponimia-de-zas-en-baio