FESTA DO PULPO O CARBALLIÑO

Descubramos unha das festas gastronómicas galegas máis atractivas… E que foi declarada Festa de Interese Turístico Internacional en 2022, ano no que se cumpren 60 anos.

Todo comeza en 1962 cando un grupo de veciños decide render homenaxe ao pulpo á Feira cunha romaría. Pero a historia de por que é tan famoso o pulpo á feira do Carballiño comeza moito antes.

O pulpo galego ten as súas orixes no século XII, na Idade Media. 

O novo soldado Diego Arias recibiu o coto de Marín e cando faleceu a súa muller decidiu facerse monxe no Mosteiro de Oseira (Ourense) e deixa en herdanza o coto de Marín.

O pulpo convértese no pago comercial que realizaba a xente de Marín aos monxes.

Os arrieros da comarca do Carballiño transportábano en carros pola zona. E como había moito, os monxes repartíano entre os fregueses, que se encargaban de limpar e secar o pulpo antes de vendelo. 

Partindo dunha feira mensual, que ata entón se viña celebrando en Cea, no século XVII os frades trasladárona ás terras do Mosteiro, instalándose nas beiras do camiño real en Partovía contribuíndo á formación do actual Carballiño. Desta forma crearon un espazo feiral de importante comercio no que se desenvolveu o oficio de pulpeiras e pulpeiros.

Co tempo foise popularizando en todas as feiras, e por iso ao pulpo á galega chámaselle pulpo á feira.

A Festa do pulpo do Carballiño celébrase o segundo domingo de agosto no Parque Municipal do Carballiño (Ourense). O martes anterior ten lugar o evento A tapa de pulpo máis grande do mundo.

Cada ano, desde 2010, O Carballiño trata de superar o seu propio Récord Guinness da tapa de pulpo máis grande do mundo. En 2022 volveron superar o seu récord: 515 quilos de pulpo cortados en 11 minutos nun prato de 5,37 metros de diámetro.

A última hora da tarde do martes previo á festa do pulpo as pulpeiras e os pulpeiros comezan a cortar o pulpo, todo un espectáculo ver como se manexan con cefalópodo. E despois repárteno entre os asistentes por un módico prezo popular que tamén inclúe pan de Cea, viño do Ribeiro e sobremesa.

Porque é unha auténtica romaría galega na que, ademais de saborear esta delicia da gastronomía galega, poderás gozar de distintas actividades, concertos, folclore, bailes, pasacalles e produtos artesanais. Todo iso nun gran espazo natural bañado polo río Arenteiro e á sombra de máis de 140 especies botánicas diferentes.

Tamén podes aproveitar o resto de días para facer algo de turismo visitando o templo da Veracruz, o parque etnográfico ou algún dos balnearios da vila.

Pero sobre todo porque por moito que che conten a receita do pulpo á galega nunca sabe igual que o dunha auténtica pulpeira. A diferenza de sabor e de textura vale a pena, e a única maneira de comprobalo é achegarche ao Carballiño e descubrir en directo por que O Carballiño é a capital do pulpo.