III Porco Pride 2025 | Porto de Espasante

Esta terceira edición do Porco Pride celébrase desde o venres 18 de xullo ata o domingo día 20. Durante estas tres xornadas, a parroquia de Espasante, en Ortigueira, ofrecerá aos asistentes diferentes actividades de sensibilización: unha charla formativa sobre Diversidade sexual, igualdade de oportunidades e contra a LGBTIfobia, contacontos ou mesmo a obra de teatro Brokeback Sabucedo, paixón entre bestas, que se trasladará ao Teatro da Beneficiencia de Ortigueira o domingo ás 20,30 h. Así mesmo, tamén haberá actuacións musicais e pasarrúas ao longo dos tres días.