O Festival Rosalía celebrará entre os días 21 e 23 de febreiro a súa sétima edición para conmemorar o 188º nacemento de Rosalía de Castro. Baixo o lema Sen pombas nin flores, inspirado nun verso rosaliano tirado de Follas Novas, desenvolverase un amplo programa que inclúe recitais, animación de rúa, concertos, teatro, feira de productos rosalianos e un longo etc. A actividade concentrarase na compostelá praza de Mazarelos, aínda que tamén se realizarán actuacións no Teatro Principal, no Colexio Maior de Santo Agostiño e o venres levarase a cabo unha visita guiada á Casa Rosalía. Visita o programa e non perdas ningunha actividade: https://i.gal/FestivalRosalia
VIRAL utiliza ricas galletitas (cookies), si sigues navegando aceptas su uso. Saber más.Aceptar