RUNNING Teatro en Crecente

𝗥𝗨𝗡𝗡𝗜𝗡𝗚!!!! 𝗘𝗡 𝗖𝗥𝗘𝗖𝗘𝗡𝗧𝗘
Este Sábado 22 de Febreiro, no Auditorio Municipal de Crecente, voltamos as táboas coa nosa suorenta comedia "Running, unha suorenta comedia De Ste Xeito"

# 𝗗𝗔𝗧𝗢𝗦 𝗗𝗢 𝗘𝗩𝗘𝗡𝗧𝗢:
+ Sábado 22 de Febreiro ás 20:00 horas.
+ Auditorio Municipal de Crecente situado na Rúa Mon y Landa de Crecente.
+ Entrada gratuita. Aforo limitado. Recomendado para público de máis de 12 anos.
+ Evento organizado polo Concello de Crecente coa colaboración da Deputación de Pontevedra dentro do programa cultural +Escénicas.

# 𝗦𝗜𝗡𝗢𝗣𝗦𝗘:
Xulia e Román acaban de coñecerse e o primeiro WhatsApp non tarda en chegar: “¿Quedamos? Veña, ¡si! ¿Pero cando?”

Fillas e fillos de parellas anteriores. Nais divorciadas. Avós na residencia. Adolescentes co pavo. O pequeno coa crise dos 8. Os grandes coa dos 40, coa dos 50, coa dos 60. Clases de ioga para liberar o estrés, patinaxe artístico os luns, danza jazz os martes. E ser taxista. Das fillas, dos fillos, das fillas dos demais, do pai, da nai, da avoa, dos primos. E os deberes. Os deberes da escola e o resto de deberes. Deberes e obrigas. Coidar de todo e de todos menos dun mesmo.

¿Como facer que as axendas cadren? E por outra banda: ¿de verdade quero comezar algo novo que poida supoñer máis deberes e menos pensar nun mesmo?

Romeo e Xulieta tiñan as familias na contra dun amor prohibido.
Xulia e Román aínda non saben se tanto se queren, pois as súas familias, as súas vidas, e os seus propios medos impiden brindar con esa primeira cervexa que podería facer nacer ou morrer o amor eterno.