Ourense - Resolvendo dificultades do noso modelo educativo dende a experiencia - 1/3

Comezamos este ano cunha  actividade do "PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS E ACOLLEDORAS" en Ourense cunha sesión dun obradoiro a cargo de Pilar Rey Suárez sobre:  
RESOLVENDO DIFICULTADES DO NOSO MODELO EDUCATIVO DENDE A EXPERIENCIA. 1/3 
Neste obradoiro analizaremos como o noso modelo educativo non sempre corresponde co modelo axeitado para educar as nosas fillas e fillos. Dende a experiencia de cada participante buscaremos estratexias e ferramentas que tenten resolver aquelas cuestións que máis nos custa modificar e enfrentaremos o modelo recibido, como nos educaron, co modelo que utilizamos, como educamos. 
PILAR REY SUÁREZ
Traballadora social. Terapeuta familiar. Educadora certificada de familias e docentes en Disciplina Positiva pola Positive Discipline Association. Formación en perdas, dó e trauma no Instituto de Psicoterapia Integrativa-Relacional. IPIR. Barcelona. Master en Couseling de dó e perdas (Universidade de Barcelona). Formación en Psicoterapia Sensoriomotor (Sensoriomotor Psychotherapy Institute). 
DATA: 06/02/24
HORA: 17:00 - 19:00
LUGAR: Centro Cívico A Ponte. Rúa Eulogio Gómez Franqueira nº 43. Ourense 
Coma sempre podedes convidar a quen queirades. 
ESPERÁMOSVOS!!!! 
Ese mesmo día tamén ofrecemos un espazo de información e acompañamento onde calquera familia, independentemente do momento do proceso no que se atope, poderá facer calquera consulta ou resolver calquera dúbida. O horario de atención é de 11:00 a 14:00 e de 16:00 a 20:00 horas. Precísase solicitar cita previa en manaia@manaia.gal ou no 688 927 124. 
Lembrade que todos os 1º martes  de cada mes estaremos en Ourense 
Actividades de balde abertas a todas as familias adoptivas ou en espera de adopción, sexan ou non socias de MANAIA. 
Un saúdo 
Actividade cofinanciada pola Xunta de Galicia