Revenidas 2023

Vilaxoán forma parte de Revenidas moito máis alá do feito de ser o espazo xeográfico que acolle o festival. Vilaxoán está na propia esencia de Revenidas ata o punto de que este festival non poderíase entender en ningún outro lugar.
	O festival Revenidas naceu a partir dunha festa popular que se celebraba na vila mariñeira de Vilaxoán (1.315 habitantes en 2022), na que os veciños compartían e degustaban un dos froitos máis cobizados do seu traballo: as sardiñas asadas, que neste lugar chámanse, precisamente, revenidas. De aí toma o nome o festival.
	Vilaxoán é unha pequena vila de carácter eminentemente mariñeiro, pertencente ao municipio de Vilagarcía de Arousa. A súa historia está ligada aos empresarios cataláns, que se asentaron na zona no século XIX, introducindo industrias como a salgadura, e novas artes de pesca. Chegou a ser un concello independente ata que en 1913 asinou a súa adhesión, xunto con Carril, a Vilagarcía. A súa actividade económica está fundamentalmente vinculada ao mar, tanto ao marisqueo como á pesca extractiva e a miticultura. De feito, foi en Vilaxoán onde se instalou, en 1945, a primeira batea da ría de Arousa.
	O Festival dás Linguas, o Revenidas de Vilaxoán, en Vilagarcía de Arousa, é na actualidade unha referencia en Galicia pola súa aposta pola música feita en galego, que combinan coa presenza de grandes bandas destacadas internacionalmente. Desde o 2003, ano da súa primeira edición, non deixou de crecer en canto a actividades e asistencia. Con todo, algo non cambiou desde as orixes do Revenidas: o compromiso do festival co país, coa súa cultura e coas persoas que fan que exista.