FESTA GASTRONÓMICA DA ENFARIÑADA

Festa que terá lugar o domingo 7 de Maio e que esta dedicada a este prato típico da gastronomía do municipio de Trabada. Os asistentes a esta xornada poderán degustar a partir das 12.00 horas na praza do Concello deliciosas racións de enfariñada (tortilla elaborada a base de fariña, leite e auga) a prezos populares.

Ademais, a festa contará ás 12.00 horas coa saída dos pasacalles a cargo do Cuarteto Seimeiro, dando paso, ás 13.30 horas, á actuación do grupo Airiños dá Freba. Chegada a tarde, ás 16.00 horas terá lugar a actuación de Luar na Lubre.

Durante esta xornada levará a cabo un mercado de produtos locais de proximidade.