Dios ke te crew

É un grupo de música de rap formado no 2001 en Ordes, Galiza. Os seus membros son DJ Murdock, Sokram, García MC, Mou e Jamas. As súas cancións están interpretadas en lingua galega. Despois tamén formaron un grupo de graffiti e breakdance. Todos estes aspectos do hip hop reúnense nas actuacións en directo do grupo, onde é común presenciar pintado de grafitti ao final do escenario e breakdance, mentres a banda toca as súas cancións. [1] As súas letras adoitan ser moi políticas, criticando cousas como o capitalismo, a Garda Civil, a monarquía española, a discriminación galega ou a corrupción.