Lidia India

Lidia India é unha cantora e compositora da comarca de ferrolterra. Tra-la súa estancia en Sudamérica, principalmente no Brasil, a súa música vese influenciada polo ritmos afrobrasileiros misturados coa súa raíz galega. Dende o seu retorno no 2014, colabora en diferentes proxectos da escena musical de Ferrolterra percorrendo Galicia e Portugal e dende o 2017 e cofundadora, cantante, guitarrista e percusionista da banda “Maina Materia” 

Lidia India, en formato cuarteto, presenta os temas do novo disco de Lidia India e Latexo “Nas rúas”, apostando por un repertorio cheo de frescura e que conta cun carácter único, unha mestura de estilos e músicas de raíz moi persoal . As súas letras evocan o desexo de valorar as pequenas cousas, os encontros e a ledicia de sentirnos vivas. 

As composicións, de autoría propia, beben das fontes tradicionais galegas ás que se suman elementos doutras culturas, tanto musicais coma coreográficos.