Concerto de rock da banda distiNtos no Ceres 1894

Nota resumo do evento

distiNtos é unha banda ourensá de rock en galego fundada post pandemia por Jorge Emilio Bóveda, Vault (voz e baixo), Iván Valcarce, Valkaisser (guitarra e coros) e Xurxo Bóveda, XUR (batería).

distiNtos actuará o venres 11 de setembro ás 21:00 horas no espazo Ceres 1894 de Ourense.

O concerto marcará o arranque da formación e servirá como lanzamento despois do debut na mesma sala o pasado mes de maio coa presentación da revista INviable.

"Queremos desestresar a esta sociedade crispada a base de rock con mensaxe", di Vault, baixista da banda.

​

Podédesnos seguir no noso canal de Instagram @nossomosdistintos

https://www.instagram.com/nossomosdistintos?stkn=OXd6ejNieThnZjFm

​

​

Nota de prensa do periodista musical Carlos Rego

distiNtos – Rock retranqueiro no Ceres 1894

Xa que a rapazada non está por botar man das guitarras para facer música, teñen que vir os escritores a poñer as cousas no seu sitio.

Máis no caso do rock, distiNtos non se perden en andrómenas intelectuais… ou si?

Dígoo, porque a primeira vista, a primeira escoita, máis ben, o seu é un power trío cun guitarrista de categoría, un rapaz na batería e un baixista cantante con énfase teatreiro, pero hai máis capas. 

As aparencias poden ser equívocas e, se nos poñemos analíticos, poderiamos dicir que distiNtos fan punk progresivo, irritante e literario pero sen repunancias, irreverente e sardónico pero intelixente, rock esquimal de meditada retranca e ripios ben pensados.

Copia e pega rock and roll, sempre os mesmos acordes, cantan sen rubor. Catro acordes para a eternidade, si, pero catro acordes ben tocados. Sentidiño si, pero o delirio polo que vale. Estamos en guerra pero hai que reflexionar, cantaba Reixa. Mellor facelo abeirados por un chisco de ruído xeitoso... e distinto.

Carlos Rego

​