Festa Entrega de Premios 14ª edición Concurso Micro-relatos OZOCOgz

Festa de entrega de premios da 14ª edición do Concurso de micro-relatos OZOCOgz, que celebraremos o vindeiro sábado, 11 de xullo, a partir das 18:00 horas, no anfiteatro ao aire libre da Insua dos Poetas, na localidade da Esgueva (Madarnás - O Carballiño), a carón do río Pedriña.

Coma todos os anos teremos un acto no que combinaremos cultura e diversión con varias actividades e no que desta volta, ademais da propia entrega dos premios, presentaremos o poemario Diacrónica de Ramón Caride, acompañado por Charo Valcárcel, prologuista do libro; haberá música con Isidro Vidal e as Ozocoreteiras, pechando o acto cun concerto do grupo de rock ourensán distiNtos.

Acto de entrada libre de balde, non é preciso anotarse.