5ª Feira de Primavera de Emprendedoras 2026

👩‍🌾🌿 A Feira de Primavera de Emprendedoras está de volta!

Baixo o lema ‘Artesanía Innovadora no Rural’, a quinta edición deste evento volta ao centro da nosa cidade para poñer o foco no papel das mulleres emprendedoras que dende o rural crean proxectos sostibles, innovadores e con profundas raíces no territorio.

O evento, que contará con múltiples casetas expositivas, mesas redondas e espazos de diálogo, entre outras cousas, reunirá a emprendedoras de referencia, representantes das administracións públicas e á cidadanía lucense nun espazo colaborativo onde compartir experiencias, tecer redes de apoio e impulsar alianzas estratéxicas.

Toma nota! ✍️ A Feira terá lugar o vindeiro sábado 30 de maio, de 10:30 a 18:30 horas, na Praza Maior.

Agardamos por ti!