Exposición | "Truer" de Sara Piñeiro | NÉBOA

INAUGURACIÓN | "Truer" de SARA PIÑEIRO | Sábado 16 de maio ás 12:30h

Baixo o título Truer, Sara Piñeiro (Sanxenxo, 1996) presenta un conxunto de pezas que abordan a construción da imaxe a partir de materiais fráxiles e dispositivos auxiliares —como cintas adhesivas e po mineral— sometidos a procesos de desactivación. Ao perder a súa función orixinal, estes materiais convértense en superficies inestables que se dispoñen e reorganizan no espazo, dando lugar a estruturas abertas que poñen o foco no proceso, o tempo e nas condicións que fan posible a imaxe.

A exposición propón unha mirada atenta ao mínimo e ao imperceptible, deténdose naquilo que adoita quedar fóra do foco e convidando a desacelerar a percepción.

A inauguración terá lugar o sábado 16 de maio a partir das 12:30 na galería NÉBOA (Lamas de Prado, 31, Lugo).

www.galerianeboa.com 

Horario: Luns a venres de 12:00 - 14:00 | 17:00 - 20:00. Outro horario, con cita previa.

Lamas de Prado 31, Lugo

info@galerianeboa.com

T. 626 324 281