Entroido 2026 en Fisterra

Fisterra xa quenta tambores para vivir unha nova edición do Entroido máis tradicional da Costa da Morte, cunha programación pensada para saír á rúa, rir en grupo e presumir de disfrace. Este 2026 haberá preto de 6.000 € en premios repartidos en diferentes concursos, así que é o momento perfecto para xuntar á cuadrilla, á familia ou á comparsa e participar.

O gran día de ambiente nas rúas chega co desfile de grupos e comparsas o sábado 14 de febreiro, con animación musical e final na praza co pregón do Entroido 2026. Ao longo da mañá tamén haberá música polas rúas, e pola noite a festa continúa no porto con discoteca móbil. O Concello habilitará unha carpa para acompañar a celebración.

O domingo 15 de febreiro a praza da Constitución acolle o concurso de disfraces infantil e adultos (individual, parellas e grupos) e, ás 20:00 h, o baile social de Entroido no Mercado Cultural. O luns 16 haberá obradoiro de máscaras durante toda a tarde na Biblioteca municipal, e o martes 17 de febreiro ás 18:00 h celebrarase no pavillón municipal o concurso de comparsas, presentado por Mariola Martínez e Santi Caneta. Inscrición e detalles, segundo o indicado nas bases: https://www.concellofisterra.gal/portal_cidadan/noticia/gl/1155/n

Fuente: https://visitacostadamorte.com/gl/axenda/entroido-2026-en-fisterra