Proxección e Coloquio | "Antes de Nós"

O Pazo de San Marcos acolle o 4 de novembro, ás 19:30 horas - a proxección da película "Antes de Nós", que afonda na figura de Castelao a partir de vivencias íntimas relacionadas coa súa dedicación á medicina ou o falecemento do seu fillo e reflexiona sobre a trascendencia destes acontecementos vitais na súa dimensión política e artística.

A sesión completarase cun coloquio coa súa directora, Ángeles Huertas, que falará do proceso de creación do filme, a longametraxe de ficción máis ambiciosa das realizadas até o momento  sobre unha das figuras máis relevantes para a Galicia contemporánea.

A actividade abre un ciclo de proxeccións pola provincia que se desenvolverá nos dous vindeiros meses, con pases en Samos, Castroverde, Palas de Rei,
Chantada, Quiroga, Pantón, Becerreá, Barreiros e Riotorto.

O ciclo,  que se enmarca na colaboración da Vicepresidencia da Deputación de Lugo na produción do filme, amplía a súa difusión alén dos festivais e salas de cine nas que se proxectou tras a súa estrea o pasado 23 de maio.

Ángeles Huertas

Formada na Met Film School de Londres, Ángeles Huertas (Gijón, 1974)
debuta na longametraxe co documental creativo "Esquece Monelos" (2017),
onde un río soterrado e esquecido convértese no fío condutor para
abordar os meandros personais e políticos da memoria. "Esquece Monelos"
obtivo a Mención Especial do Xurado en Documenta Madrid, tres premios
Mestre Mateo e estivo nominado aos Premios Feroz 2018. Na Seminci de
2022 estrea a súa primeira película de ficción, "O corpo aberto",
adaptación dun relato gótico de Xosé Luís Méndez Ferrín sobre o ilusorio
dos límites que nos definen. A película foi merecedora de 12 premios
Mestre Mateo na edición do 2023, incluíndo mellor película, dirección e
guion.

Ciclo de proxeccións pola provincia
A proxección en Lugo abre un ciclo de proxeccións pola provincia de Lugo
nos dous vindeiros meses, con pases en Samos, Castroverde, Palas de Rei,
Chantada, Quiroga, Pantón, Becerreá, Barreiros e Riotorto.