EXPOSICIÓN | Cartaz da XLVII Semana de Cine de de Lugo e proceso de creación (Primitivo Marcos)

Presentación do cartaz da XLVII Semana de Cine de de Lugo 2025

O deseño de Primitivo Marcos inspírase no film “La Quimera de Oro” de Charles Chaplin, estreada fai hoxe o século -o 26 de xuño de 1925 –,  que volverá nas
próximas semanas ás salas de cine nunha versión restaurada.

O cartaz pode verse na Biblioteca Provincial de Lugo nunha exposición que inclúe os  quince deseños previos -mostra do proceso creativo ata a obra final – e bibliografías sobre Charles Chaplin dos fondos da propia biblioteca.

A exposición pode verse ata comezos de xullo na entrada da biblioteca e volverá expoñerse do 22 ao 27 do mes de setembro, coindicindo coas proxeccións da Semana de Cine de Lugo.