APEGO: O xogo de Nano, con Raquel Queizás

DESCRICIÓN DA ACTIVIDADE
Nano recibe unha visita moi especial o día do seu aniversario. Está todo preparado: a torta, as candeas, os globos. Só faltan os amigos, a que xogarán? Ao rematar terá que se bañar e descubrirá o divertido que é coñecer as partes do seu corpo ao ritmo da música. 
PÚBLICO
Actividade dirixida a nenas e nenos de 6 meses a 3 anos. 
INSCRICIÓNS
Capacidade limitada, con inscrición TELEFÓNICA previa, desde as 10 da mañá, no 981 75 85 80. Dúas sesións: 17:00h e 18:30 h. 
ACCESO
Deberanse seguir as indicacións do persoal bibliotecario á hora de ocupar o espazo no que se desenvolverá a actividade. 
Rogamos puntualidade. A biblioteca resérvase o dereito de admisión ás persoas que cheguen unha vez comezados os eventos. 
Actividade ofrecida en colaboración co Servizo de Normalización Lingüística do Concello de Carballo no marco de Programa Apego. 
QUE É O PROGRAMA APEGO?
APEGO é un programa colectivo creado para axudar a socializar en galego aos nenos e nenas desde o nacemento e ata os 6 anos. É un proxecto dos servizos de normalización lingüística de diferentes concellos de Galicia e mais da Coordinadora de Traballadores/as de Normalización da Lingua. Para máis información sobre este programa, chama ao 981 704 100 ext. 2750
Agardámosvos!